அடிக்கடி உறுத்தும் இன்னொரு பிழை: nk, nc வரும் இடங்களில் ங்க் போடுவது. இங்க், ரேங்க், பிங்க், சிங்க் போன்றவற்றை ingk, rangk, syngc என்று தான் ஒலிக்க முடியும். இன்க், இன்க்கு போன்றவை ஓரளவு நெருக்கமான ஒலிப்பு தரலாம்.

இது தவறில்லைன்னு நினைக்கிறேன். “படத்துக்கு போலாமா இல்லை கடற்கரைக்குப் போலாமா” என்று பேச்சு வழக்கில் கேட்கிறோம் தானே? (“அது வாங்கினாலும் சரி, இது வாங்கினாலும் சரி” என்பதும் பேச்சு வழக்கில் உண்டு)

அதுவோ இதுவோ என்பது தெரிவுகள் தருவது. அதுவா இதுவா என்பது கேள்வி அல்லவா? அப்புறம், அதுவா இதுவா என்ற சொற்களுக்கு இடையே வேறு சொற்கள் வருவதால் ‘அல்லது’ வருவது இயல்பாகத் தெரிகிறது.

அதே போல ‘அதுவோ அல்லது இதுவோ’. ‘சரியா அல்லது தவறா?’ என்று எழுதுவது தவறுதான். அதே சமயத்தில் இரண்டு நீண்ட கேள்விகளுக்கு இடையே ‘அல்லது’ போடுவதை readabilityக்காக மன்னித்துவிடலாம் என்று தோன்றுகிறது. உதா.: ‘அடுத்த ஆண்டு வங்கியில் வீட்டுக் கடன் வாங்கி வீடு வாங்கப்போகிறீர்களா அல்லது கல்விக் கடன் வாங்கி மகளை வெளிநாட்டுக்கு அனுப்பப்போகிறீர்களா?’

இந்தப் பட்டியலுக்கு முடிவே இல்லை.